Desenvolvo o meu traballo no ámbito doméstico, institucional, educativo e empresarial, facilitando aos meus clientes ferramentas e estratexias que lles permitan levar a cabo os seus propios proxectos desde unha perspectiva de rexeneración eco-social.
Na práctica converteuse para moitas persoas nunha autentica filosofía de vida, así como un movemento rexenerativo a nivel global que quere participar de forma activa e creativa fronte á crise eco-social que estamos a vivir.
En permacultura deseñamos atendendo ao manexo reXenerativo dos espazos naturais e produtivos, a unha xestión máis eficiente das enerxías e tecnoloxías, ao desenvolvemento dunha arquitectura máis respectuosa co medio e as persoas, o fomento dunha cultura máis consciente e pacífica, a responsabilidade cunha saúde integral, a creación de economías sociais e solidarias e o establecemento de relacións persoais e comunitarias máis saudables.
Así emerxen os sete pétaos ou ámbitos, nos que a permacultura proponnos deseñar, crear e co-habitar para xerar unha cultura verdadeiramente sustentable.
Achego as ferramentas da permacultura e o deseño rexenerativo a persoas, empresas e institucións que necesitan apoio profesional nas súas iniciativas de base sustentable.
Dende os meus inicios como deseñador en permacultura, a firma Alexandre Grande evolucionou ao longo de anos, para incluír formacións, publicacións e actividades relacionadas coa asesoría ou a xestión de proxectos educativos e de carácter público.
A principal motivación da miña actividade profesional é fomentar a comprensión e a aplicación da ética e os principios de deseño da permacultura, así como axudar a persoas e proxectos a alcanzar os seus obxectivos, sempre desde unha perspectiva do coidado da terra e das persoas.
O deseño é o corazón da permacultura.
Un bo deseño inicial aforraranos tempo, traballo e diñeiro durante toda a vida.
Realizo deseños integrais que abarquen hábitat, tecnoloxía e paisaxe.
Deseño para xardíns, leiras e outros espazos naturais e produtivos.
Deseño de ecoaldeas, ecobarrios, espazos educativos e demostrativos baseados na permacultura.
Deseño hídrico para estanques, biopiscinas e sistemas de fitodepuración de augas grises e negras.
Axúdote a materializar os teus proxectos.
Realizo implementacións para espazos naturais e produtivos, como sistemas de horticultura, xardíns e bosques comestibles, xardíns de plantas medicinais e aromáticas, sistemas de compostaxe, invernadoiros ou xestión da auga sobre o terreo.
Implementación e transformación de espazos públicos educativos e demostrativos en permacultura.
Creación de estanques, biopiscinas e sistemas de fitodepuración.
Difusión de coñecemento e boas prácticas.
Un amplo percorrido no ámbito da formación permíteme adaptarme ás necesidades específicas de aprendizaxe de grupos, persoas e proxectos que desexen adquirir coñecementos e habilidades prácticas esenciais para crear un mundo máis sustentable.
Ofrezo servizos de formación e difusión coma charlas, cursos e formacións técnicas enfocadas en diversos campos da permacultura.
Atopa o apoio que precisas pra consolidar as túas ideas.
Se queres desenvolver ou xa estás a desenvolver o teu propio proxecto familiar, comunitario ou profesional, a miña visión integral e coñecemento sobre os recursos e ferramentas sostibles á nosa disposición pode ser unha gran axuda para saber cales deben ser os teus seguintes pasos.
Ofrezo asesoría online e presencial.
Plans de acompañamento para proxectos.
Visitas de reconoñecemento e evaluación de posibilidades.
Axuda profesional para organización e xestión de proxectos.
Anos de experiencia como coordinador de diferentes proxectos de permacultura a nivel nacional e internacional permítenme ofrecer servizos de deseño de contido e organización de programas educativos, creación de redes, loxística e difusión para formacións e eventos, así como xestión de campo para proxectos de ecoloxía e permacultura públicos ou privados.
Amplía a túa perspectiva dende o aire.
A observación é un elemento clave no deseño permacultural.
Ter a posibilidade de realizar vistas aéreas sobre un territorio e a súa contorna converteuse nunha poderosa ferramenta para a realización de deseños a mediana e gran escala.
Outras funcións esenciais das tomas aéreas son rexistrar impactantes imaxes sobre o antes e o despois de diferentes intervencións realizadas nos espazos, ou dispor de recursos visuais para dar cobertura e difusión á nosa actividade profesional.
Ofrezo voos de recoñecemento con captura e procesamento de vídeo e foto, así como proxectos audiovisuais para a cobertura de traballos, eventos e actividades.
Desenvolvo gran parte da miña actividade profesional coa forte convicción de que a intelixencia colectiva e a diversidade de ideas que nacen do traballo colaborativo crean as mellores estratexias e resultados.
Baixo esta filosofía, traballo constantemente na creación dunha rede de apoio e alianzas que acompañe, nutra e apoie as miñas accións, axudándome a satisfacer as necesidades dos meus clientes.
Estes son algúns dos proxectos e profesionais nos que confío para mellorar e diversificar os meus servizos.
