Levar á realidade unha idea ou un deseño en permacultura é unha arte que require de coñecemento, compromiso e xeralmente dun bo equipo con experiencia e capacidades múltiples.
O desenvolvemento de proxectos en permacultura é ademais unha gran responsabilidade coa rexeneración dos espazos nos que se traballa, poñendo o foco no benestar das persoas e dos ecosistemas, na profesionalidade dos procesos e na calidade, eficiencia e resiliencia das propostas.
Por iso á hora de executar un proxecto apóiome nunha gran rede de profesionais que me axudan a cubrir calquera necesidade que teñan os meus clientes. Isto permíteme abordar tanto traballos específicos a pequena escala como proxectos de maiores dimensións e complexidade técnica.
Desde traballos de transformación paisaxística, sistemas produtivos, pequenas construcións, e proxectos de auga ata a creación de espazos públicos, comunitarios, demostrativos e recreativos.
Calquera proxecto que queira desenvolverse de forma sustentable beneficiarase enormemente da visión reXenerativa que nos ofrece a permacultura en cada implementación.
Realizo servizos para a implementación de proxectos en permacultura para espazos naturais e produtivos, sistemas de horticultura, xardíns e bosques comestibles, xardíns de medicinais e de aromáticas, sistemas de compostaxe, invernadoiros, sistemas de rega e un amplo abanico de intervencións para leiras particulares ou colectivas.
A través da miña rede de alianzas tamén facilito servizos para actuacións a nivel arquitectura para a elaboración de proxectos de vivenda e outras necesidades estruturais a menor escala.
Así como servizos de carpintería e bioconstrucción tanto para proxectos novos como para reconversión e mellora de vivendas e estruturas xa existentes .
Dada a emerxente conciencia sobre a importancia do contacto coa natureza nos procesos de aprendizaxe, os proxectos de transformación dos espazos exteriores nos centros educativos convertéronse nunha demanda esencial para as diversas comunidades escolares.
Grazas ás sinerxias creadas entre permacultores e profesionais da educación, estamos a desenvolver proxectos para a rexeneración e re-naturalización de espazos nos que os máis pequenos teñan a oportunidade de xogar, aprender e crecer nun contexto máis vivo e biodiverso.
Coa mirada posta sempre na seguridade e o benestar dos usuarios , o obxectivo é crear espazos sostibles dunha gran beleza paisaxística e múltiples oportunidades para a aprendizaxe vivencial, intercalando xardíns sensoriais con elementos de psicomotricidade, xogo simbólico e moitas outras propostas de base sustentable cun alto compoñente pedagóxico.
A aplicación dos fundamentos e estratexias da permacultura en espazos públicos é clave para reconverter os nosos barrios, pobos e cidades en lugares máis ecolóxicos e habitables.
Nos últimos anos son cada vez máis as administracións que contan con profesionais en permacultura para abordar proxectos de diferentes índoles, pois é desde a nosa visión onde se atopan respostas a novas necesidades de carácter urbano, social, comunitario e ecolóxico.
Dentro destes proxectos especialízome en espazos demostrativos de permacultura, un novo modelo de espazo público onde expomos diferentes instalacións relacionadas coa paisaxe, a bioconstrución, as tecnoloxías apropiadas ou a pedagoxía activa, de modo que os usuarios poidan gozar de contornas completamente sustentables así como acceder a iniciativas formativas no ámbito da permacultura.
Achego aos meus clientes a posibilidade de realizar unha xestión totalmente diferente e sustentable dos recursos hídricos dispoñibles en calquera espazo.
Abordando a creación de diferentes corpos de auga como balsas, estanques e biopiscinas así como instalacións técnicas para o reaproveitamento de augas pluviais e sistemas domésticos de fitodepuración de auga residuais.
Para a creación de estanques e biopiscinas baséome nunha perspectiva técnica-biolóxica na que cada instalación responde a uns requisitos técnicos mínimos que permitan o funcionamento mecánico de todos os compoñentes, así como aos procesos de depuración da auga que se realizan de modo completamente natural.
Para a construción destes proxectos realizamos unha avaliación das necesidades de cada cliente así como as posibilidades de cada lugar, determinando cal será a tipoloxía construtiva máis adecuada para cada caso. Unha vez definido o deseño abordamos desde a escavación, construción e instalación hídrica ata a plantación e posta en marcha de todos os equipos.
En todos os casos estamos a falar de instalacións profesionais pero completamente naturalizadas que nos ofrecen tanto unha auga limpa e saudable como un espazo que apoia e diversifica a natureza de calquera lugar.
Os sistemas de depuración biolóxica de augas negras e grises son a mellor ferramenta para xestionar os residuos hídricos dos nosos fogares e proxectos tanto para lugares onde non temos acceso á rede de rede de sumidoiros coma se o que queremos é facer que a nosa actividade diaria sexa o máis sustentable posible.
Son instalacións relativamente sinxelas de instalar nas que en poucos días encargámonos de todos os pasos, desde a escavación ata a posta en marcha, sen unha excesiva demanda de espazo nin complexidades construtivas.
A través destas instalacións facilito aos meus clientes unha maior autosuficiencia e sustentabilidade para os seus fogares e proxectos de vida.
A recuperación de augas pluviais representa tanto un aforro como unha maior seguridade fronte ás necesidades de consumo diario de auga, tanto a nivel doméstico como para necesidades no exterior, xa sexa horta ou xardín. A auga de choiva captada a través dos tellados, posteriormente prefiltrada e almacenada da maneira adecuada provenos dun recurso libre de cloro así como unha maior resiliencia fronte á vulnerabilidade da auga subterránea dos pozos, os cales sempre son susceptibles de recibir axentes patógenos así como de esgotarse progresivamente.
